Fazole sóm fest! Pozytywna piosenka ze Śl. Cieszyńskiego

"Ballada o Babuciu" (moja prababka z Cieszyna śpiewała)

1. Żyjym s gospodarki, uroda mi ginie,
A ta moja staro rada chowie świnie,

 Ref. :Ene due rajne, fazole sóm fajne,
Ene due rajne fazole sóm fest!

2. S jednóm my też mieli pieróńskóm ostude,
Nic to żrać nie chciało, fórt to było chude. / Ref.

3. Staro do mie prawi zabijesz brzidoka,
Pujdziesz do Ostrawy, kupisz tam cycoka/ Ref.

4. Jyny mi też nie zrób, jako łóńskóm zime,       
Kiedyjś nawalóny leżoł we wierzbinie/ Ref.

5. Jo ji nie posłuchoł, co óna tam wyje,
Jynych na nióm warknół, nagotuj pomyje/ Ref.

6. Trzista korón w kapsie, jo cały dziwoki,
Jadym do Ostrawy kupować cycoki/ Ref.

7. Tak se s tym wózeczkym przez Ostrawe jadym,
Na rynkuch sie spotkoł s mojim kamaradym/ Ref.

8. Ón stary kawałoch, witejże woźnico,
Dokónd że to jedziesz ty stary łopico/ Ref.

9. Tóż my sie stawili do starej Salerki,
Kaj je fajne piwo i szwarne kelnerki/ Ref.

10. Jak my sie sjawili w tej chrómskij putyce,
Jakisi chłop zaczón grac na harmónijce/ Ref.

11. Też my se tam siedli w kóncie na dywanie,
Przi jakijsi starej usmarkanej Hanie/ Ref.

12. Tak mie dorobiły ty chrómski łasice,
Dały sie mi napić samej szaracice/ Ref.

13. A ta szaracica dała mi Jezusku,
Że mie mój kamarad musioł wiyźć na wózku/ Ref.

14. Uż s daleka wołóm na mojóm Tereze,
Gotujcie pomyje cycoka wóm wiezie/ Ref.

15. Tereska wybiygła woło na Maryje,
Łap dyszel od wózka i uż go nim bije/ Ref.

16. Gdyby jo wiedziała jakoś ty je slywa,
Za to ty barabo pujdziesz spać do chlywa/ Ref.

17. Do chlywa mie wcisła ta Tereza moja,
Nogóm żech zachoczył, szas pyskym do gnoja/ Ref.

18. Gymba jako przetak, w kanale pazury,
Całóm noc mi lazły po pyszczysku szczury/ Ref.

19. Tak mie dorobiły ty chrómski brzidoki,
Uż bych wiyncyj nie szoł kupować cycoki/ Ref.